Framkvæmdir hjá Íslandssögu

Fiskvinnsla hjá Íslandssögu hefur verið stöðug í desember og aflabrögð báta á Suðureyri ágæt það sem af er vetri. Unnið var fram til kl 14.00 á Gamlársdag en sl daga hafa staðið yfir framkvæmdir á fyrirtækinu en skipt hefur verið um gólfefni á stórum hluta húsnæðisins m.a. í vinnslusalnum að hluta, tækjasal, lausfrysti, kæli og móttökunni. Starfsmenn Íslandssögu sáu um að brjóta upp gamla gólfið og fyrirtækið Topp gólf sá um að leggja það nýja. Búist er við að full vinnsla geti hafist fljótlega eftir helgina.

Tíðarfarið fyrir vestan hefur verið ágætt í vetur. Í upphafi vetrar kom mikill hvellur og það snjóaði mikið. Eftir það hefur lítill snjór verið í Súgandafirði og nú eru snjóalög eins og að vorlagi, allt autt og snjólaust að mestu.

Róbert  

Athugasemdir

[Gudrún Hauksdótttir, 3.1.2009 kl. 15:17]

Ég kíkti inn á myndir frá skötuveislunni ...Madur minn hvad tetta eru allt huggulegir menn..get ég fengid ad slást í hópinn á næsta ári?Svona okkar á milli?

kvedja frá Jyerup

[jjj (IP-tala skráð) 5.1.2009 kl. 23:24]

það heitir ekki Gólflagnir heldur topp gólf