Fyrsta kindin á Bæ bar fimm lömbum

Samkvæmt heimildum bar fyrsta kindin á Bæ í Súgandafirði í gærdag (miðvikudag) fimm lömbum sem verður að teljast ansi mikið ef miðað er við venjulegan sauðburð. Hjónin Ingibjörg og Karl Guðmundsson eru ábúendur á Bæ og er greinilegt að vorið er komið í sveitina hjá þeim hjúum. Frjósemin virðist vera einstaklega mikil hjá þessari kind á Bæ og forvitnilegt verður að fylgjast með hvernig sauðburðurinn þróast þar áfram næstu daga og vikur.

Á myndunum eru Kalli í Bæ að marka lömbin sín og Birta Rós og Matthildur gefa lambi mjólk úr pela.

Myndirnar tók Guðrún Margrét Karlsdóttir

Kveðja

Róbert

 

Athugasemdir

[Matthildur Valdimarsdóttir (IP-tala skráð) 5.5.2009 kl. 13:12]

Þetta er reyndar Krístján Logi en asskoti líkur mér samt :)

[Vala (IP-tala skráð) 7.5.2009 kl. 11:24]

hahaha já Matta hann er alveg eins og þú - gaman að því - flott mynd af þeim í sveitinni hjá ömmu og afa