Gekk á Hádegishorn um hávetur

Göngugarpurinn Einar Ómarsson gerði sér lítið fyrir 31. janúar og gekk á Hádegishornið í Súgandafirði en venjulega er það gert yfir hásumar en ekki hávetur. Að sögn Einars langaði honum alltaf til að prófa að ganga á hornið um vetur og ákvað að kýla á það síðasta degi janúar. "Veðrið var frábært en nokkuð kalt á toppnum og smá vindur. Ég var 2 tíma upp en 45 mín niður en ég renndi mér að stórum hluta niður á snjónum sem var bara gaman," sagði Einar.

Það kom Einari á óvart hversu mikill og misjafn snjór var á egginni, allt frá skara upp í klofdjúpan snjó og allt þar á milli. Útsýnið var að venju frábært. Við látum fylgja hér með tvær myndir frá stráknum en hann sagðist hafa stillt myndavélina eitthvað vitlaust og urðu myndirnar því nokkuð grófar. Með smá hjálp frá Photo Shop náði undirritaður að lagfæra þær aðeins.


Kveðja

Róbert