180 manns skráðir á Góugleðina á Suðureyri

Það styttist óðum í Góugleðina á Suðureyri en hún verður nk laugardag (21. febrúar) og samkvæmt síðustu fréttum er gert ráð fyrir 180 matargestum og reiknað er með að um 40 manns muni sitja við tvo langborð á sviðinu. Einnig eru nokkrir á biðlista samkvæmt uppl frá Sturla Páli. Þá er nú líklegast að Félagsheimili Súgfirðinga verði fullsetið. Matargestir mæta með sín þorratrog og hver fjölskylda hefur sína siði. Þetta er án efa stærsta samkoman á árinu fyrir utan Sæluhelgina og það verður áreiðanlega mikið hlegið, sungið og dansað á Góugleðinni eins og venja er enda verður hljómsveitin Kraftlyfting sem sér um tónlistina með Venna & co.

Karlarnir sjá um skemmtiatriðin að þessu sinni en á næsta ári halda konurnar Þorrablót og svo skiptist þetta annað hvert ár. Félagsheimilið hefur fengið sína andlitslyftingu og nú er æft daglega fyrir Góugleðina. Eins og vænta má, verður skotið vinstri hægri á náungann og fáum hlíft við spaugilegu hliðarnar á mannlífinu í Súgandafirði.

Kveðja

Róbert