Snjór í miðjum hlíðum

Rótgrónir Súgfirðingar láta sér ekki bregða þótt gráni í fjöll í júní og júlí en aðrir gapa af undrun og spyrja sig hvort sumarið sé búið. Vestfirðingar vöknuðu upp í morgun með snjó niður í miðjar hlíðar en í dag hefur rignt talsvert og snjóinn því tekið upp að miklu leiti. Veðurfræðingar voru búnir að spá snjókomu til fjalla og á hálendi landsins og þeir sem fylgjast með veðurfréttum vissu vel að það myndi snjóa. Spáin er góð yfir helgina, hæglætis veður og það styttir upp í nótt, hiti 5-10 stig. Við skulum vona að haustlægðirnar bíði aðeins þar til sumrinu lýkur :)

Nýjar myndir voru að bætast við sem teknar voru sl laugardag í Borni Súgandafjarðar. Hægt er að skoða þær á myndasíðunni.

Kveðja

Róbert Schmidt
Ljósmyndir: R.Schmidt

 

 

 

                                                                      

Athugasemdir

[Guðmundur Ásgeirsson, 25.7.2009 kl. 02:36]

Takk fyrir skemmtilegar myndir af Botni og Selárdal, en óskaplega er nú kuldalegt á að líta þarna í grennd við Kvíanesið!