Súgfirðingar á Facebook

Vel á annað hundrað Súgfirðingar hafa skráð sig á sérstaka síðu á Facebook undir nafninu: Súgfirðingar. Líklegt má ætla að fjöldin margfaldist á næstu mánuðum en með þessu móti er auðvelt að senda út tilkynningar um mannamót ofl. Ég skora á sem flesta að skrá sig á Facebook og hitta þar helling af skemmtilegu fólki sem sumir hafa ekki hitt né séð í áraraðir. Ævar Einarsson er nýr á Facebook og þegar ég sagði honum að fyrst hann væri kominn þangað inn, þá mætti allt eins eiga von á að Ölli gamli kæmi þangað inn. Ævar svaraði að bragði,- að nú sé Ölli að hugleiða tölvukaup og það gæti allt eins gerst að kallinn dúkkaði upp á Facebook. Já, svona er lífið :)

Ps. Sigrún Jóns á afmæli í dag,- til hamingju með daginn Sigrún mín.

Myndin er af þeim Önnu Maríu Schmidt og Ágústi Schmidt en Anna gifti sig í sumar og hún er ein af mörgum Facebook-aðdáendum.

Kveðja

Róbert