22.2.2010 | 22:05
Fékk 23 kg lúðu á línu
Ekki er óalgengt að línubátar fái vænar lúður á krókana hér á Vestfjarðarmiðum yfir vetrarmánuðina. Síðustu áratugina hafa sjómenn innbyrt stórlúður, ýmist á línu eða handfæri og einnig á sjóstöng eins og dæmin sanna. Sigurður Oddsson á Lukku ÍS 357 frá Suðureyri hefur verið seigur að setja í stórlúður undanfarin ár en í fyrra náði hann 88 kg lúðu sem var mikill happafengur. Fyrir fáeinum dögum fékk Siggi 23 kg lúðu á línu sem hann beitti sérstaklega fyrir hlýra. Línubáturinn Hrönn ÍS frá Suðureyri fékk eina 15 kg lúðu fyrir nokkrum vikum síðan og heyrst hefur að bátar frá Flateyri hafi líka verið að setja í eina og eina ágæta lúðu.
Stórlúður eru á djúpmiðum yfir vetrarmánuðina en færa sig svo nær landgrunninum í maímánuði og eru við ströndina fram eftir sumri. Sjóstangaveiðimenn bíða spenntir eftir vorinu með stórlúðuglampann í augunum en allir þeir sem kaupa sér ferð til Vestfjarða á sjóstöng lifa í voninni um að setja í stórlúðu.
Meðfylgjandi myndir tók undirritaður þegar verið var að landa úr Lukku ÍS þegar 23 kg lúðan veiddist.
Flokkur: Bílar og akstur | Breytt s.d. kl. 22:09 | Facebook
Af mbl.is
Viðskipti
- Takmarkaður hagvöxtur á næstu árum
- Íslendingar duglegir að færa sig milli fjármálafyrirtækja
- Níutíu prósent hafa notað lausnir Dokobit
- Hvenær falla hin frábæru sjö fyrirtæki í verði?
- Vonar að slitin liðki fyrir aðgangi að gögnum
- Álverðið að nálgast 2.700 dali
- Fjármálastjóri Play hættir
- Keypti Hvítasunnudag fyrir svimandi upphæð
- Nýtt hótel í Bríetartúni
- Telja erfiðara fyrir opinbera aðila að fjármagna verkefni
Athugasemdir
Alltaf gaman að fá stór lúðu, Siggi hefur já verið duglegur að setja í stórlúðu. Flott hjá ykkur;-)
Anna Bjarna (IP-tala skráð) 23.2.2010 kl. 18:02
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.